ہمارے بارے میں

ادارہ فیضانِ شریعت کراچی کے بانی تاج الفقہاء مفتی وسیم اختر المدنی زیدہ مجدہ کا علمی سفر دراصل دو دہائیوں پر محیط تدریسی، فقہی اور شریعہ ایڈوائزری کی مخلصانہ کاوشوں کا تسلسل ہے۔ اس سفر کا آغاز سن 2000 میں دعوتِ اسلامی کے تحت تدریس و افتاء کی خدمات سے ہوا، جس کے بعد جامعۃ المصطفیٰ، دارالعلوم نعیمیہ کراچی (بطور انچارج تخصص فی الفقہ والافتاء) اور دارالعلوم میمن میں کئی تشنگانِ علم کی علمی و فکری تربیت کی گئی۔
طویل تدریسی و فقہی تجربے اور سیلانی ویلفیئر انٹرنیشنل ٹرسٹ (بطور رئیس دارالافتاء) اور مختلف مالیاتی اداروں (جیسے Crescent Standard Modaraba اور ASAS شریعہ ایڈوائزری) میں کامیاب کارکردگی کے بعد، سن 2023 میں ”جامعہ فیضانِ شریعت“ کی مستقل بنیاد رکھی گئی۔
آج کے ڈیجیٹل دور کے تقاضوں کو پورا کرنے کے لیے ہم نے اپنے اس علمی و فقہی سفر کو آن لائن منتقل کر دیا ہے، تاکہ دنیا بھر کے مسلمان ایک ہی چھت تلے دار الافتاء، شریعہ ایڈوائزری، ڈیجیٹل کتب خانہ، شرعی کیلکولیٹرز اور تخصصی تعلیمی کورسز سے باآسانی مستفید ہو سکیں۔ اعلیٰ حضرت امام احمد رضا خان بریلوی رحمۃ اللہ علیہ کے منہج پر قائم یہ ادارہ آج عوام الناس کی دینی و دنیاوی رہنمائی کے لیے پوری طرح فعال ہے۔